Repleksyon

 "ANG HINDI MAGMAHAL SA SARILING WIKA AY HIGIT PA SA HAYOP AT MALANSANG ISDA "
   - Dr. Jose Rizal

         Isang kataga ang hanggang ngayon ay namamalagi parin sa mga isipan ng mamamayan. Katagang patungkol sa pagpapahalaga sa sariling wika.Kahit na maraming salitang banyaga tayong alam,huwag parin nating talikuran ang sarili nating wika. Dahil hanggang sa kasalukuyan,wikang filipino pa din ang ating ginagamit.
          Maaaring iugnay ang istorya ni Miss Phathupats sa katagang binanggit ni Rizal. Si Miss Phathupats ay nakapag-aral at natuto ng ibang wika subalit kinalimutan ang wikang kanyang pinagmulan. Mayroong makukuhang aral dito sa istoryang ito. Kailangan nating maging isang matalino subalit huwag tayong makalimot sa ating pinagmulan.
           Kahit ano pa man ang ating marating at makamit sa buhay huwag tayong maging mataas. Huwag makalimot sa kung saan ang ating pinagmulan at kung saan tayo nagmula. Hindi masama ang umunlad, subalit dapat sa pagunlad natin, isaisip parin natin kung saan tayo nagsimula. Kaya mahalin at pahalagahan ang sarili nating wika.